Durante o Festival musical de fin de curso, ademais de gozarmos do
talento do alumnado do Santa Irene, entregáronse os premios do certame
Lectores Olímpic@s, no que finalmente se impuxo a alumna de 1 Bac A
Laura de Cáceres Iglesias.
Parabéns!
xoves
martes
As "Sinsombrero"
Que
é a xeración do 27? Esta xeración está formada por pensadores,
artistas e ,sobre todo, poetas. Foi o grupo máis importante da idade
de prata da literatura española. Este recoñecido grupo tivo
compoñentes de gran renome como Federico García Lorca, Vicente
Aleixandre, Dámaso Alonso, Gerardo Diego, Jorge Guillén, Pedro
Salinas, Manuel Altolaguirre e Emilio Prados. Por desgraza a xeración
do 27 non se mantivo moito teempo unida.
A
Guerra Civil, a ditadura franquista... Salinas, Guillén e Cernuda
exiliáronse a Estados Unidos, este último iría posteriormente a
América do Sur. Albereti exiliouse a Arxentina para, ao igual que
Gillén, regresar a España coa fin da ditadura. Dámaso, Aleixandre
e Emilio Prados foron os únicos que ficaron en España. Lorca
viviría en Nova York, onde escribiría Un poeta en Nueva York,
pasaría unha etapa en Suramérica e sería asesinado o 19 de agosto
de 1936 en Alfacar.
Despois
deste pequeno resumo preguntarédesvos: Non había
ningunha muller? As mulleres da xeración do 27 foron esquecidas pola
historia.
Recentemente
o grupo RTVE iniciaría unha campaña coa fin de sacar á luz o gran
labor deste grupo de mulleres, facendo estas unha “aparición” na
exitosa serie El ministerio del tiempo.
Esta
parte da xeración
do
27 denominada “las sinsombrero” tería compoñentes
tan ilustres como Ernestina
de Champourcín,
poeta,
Maruja
Mallo,
pintora,
María
Teresa
León,
Concha
Méndez,
poeta
e
editora, Marga
Gil
Roësset,
escultora e ilustradora, Josefina
de la Torre,
escritora,
poeta e
actriz, Rosa
Chacel,
novelista, María
Zambrano,
filósofa.
O
nome de “Sinsombrero” veu con motivo do seu acto de rebelión.
Daquela, as señoritas de alta posición pasaban a Porta do Sol co
sombreiro posto. Elas quitaron o sombreiro e os transeuntes
reaccionaron con insultos, tachándoas de prostitutas e incluso
chegando a agredirlas.
Ernestina
de Champourcín
naceu en Vitoria no ano 1905 e morreu en Madrid no 1999. Con vinte e
un anos, residindo en Madrid, publicou o seu primeiro poemario. Ao
iniciarse a guerra comezou a traballar como enfermeira. Finalmente
exiliouse co seu marido Juan José Domenchina a Toulouse, París e
México. Regresou a España no ano 1973. Escribiu durante toda a súa
vida.
Maruxa
Mallo naceu en Viveiro (Lugo) no 1902 e morreu en Madrid no
ano 1995. Con vinte anos trasladouse a Madrid para estudar na Real
Academia de Belas Artes de San Fernando, onde estudou xunto a Lorca,
Dalí... É xustamente Maruxa xunto coa súa amiga Margarita Manso
quen deciden ir pola Porta do Sol de Madrid sen sombreiro. Ao estalar
a Guerra Civil ocúltase en Vigo e mçais tarde trasládase a
Portugal para logo ir a América. Pasou moito tempo en Bos Aires e
Nova York, onde se instalou e recibiu un rápido recoñecemento.
Mallo era unha pintora surrealista e gran precedente do PopArt
americano. Regresou a España do exilio en 1965 e instalouse en
Madrid, onde seguiu pintando ata a súa morte en 1995.
María
Teresa
León
naceu en Logroño no ano 1903 e morreu en Madrid en 1988. Foi a
primeira española en conseguir un doctorado en Filosofía e Letras.
En 1929 publicou a súa primeira novela. Publicou máis de vinte
libros. Xunto a Rafael Alberti, do que tamén era compañeira
sentimental, levou a cabo numerosas iniciativas culturais, como a
revista Octubre. Foi moi activa no teatro, como actriz, autora,
directora de escena e ensaísta. Durante a Guerra Civil foi
secretaria da Alianza de Escritores Antifascistas.
Concha
Méndez
naceu
en
Madrid no
ano
1898 para
morrer
en México
no
ano
1986. Ademais
da
súa
carreira
como poeta
e
autora teatral tamén
se dedicou
á
actividade
editorial. Fundou
en
Madrid, xunto
ao
seu
marido o
tamén poeta Manuel Altolaguirre,
a
imprenta “La Verónica”, onde editaron la revista Héroe,
que contou
coa colaboración de moitos
dos nomes da época. Exiliouse
a París, logo
foi
á
Habana e
terminou
instalándose finalmente en México. Alí
volveron abrir unha
imprenta desde onde editaron textos dos
seus
colegas españoles no
exilio. En 1944 publicou
Sombras
y sueños,
para moitos
o seu mellor
libro, tras o
cal
non
volveu
a publicar
ata
1976, ano
no
que publicou
o seu
último poemario, Vida
o río.
Marga
Gil
Roësset
naceu
en Madrid un
día de 1908 uicidouse
na súa cidade
natal en 1932. Foi
unha
moza
de gran talento. Aos
seus
24 anos
xa
empezaba a ser coñecida
como escultora e ilustradora. Presentouse
ao
mundo intelectual da man de Juan Ramón Jiménez
e
Zenobia Camprubí. Gran parte da
súa obra foi
destruída.
A súa irmá Consuelo
logrou
salvar varias das
suas
obra, entre elas un diario, que resultou
ser o seu mellor
poemario. As
causas do
seu suicidio
son aínda
descoñecidas.
Josefina
de la Torre naceu
en Las Palmas de Gran
Canaria en
1907 e
faleceu
en Madrid no
ano
2002. Foi
máis
coñecida como
actriz e
concertista que como poeta.
En 1927 publicou o seu
primeiro
poemario e
fundou
xunto
ao
seu
irmán
Claudio a súa
primeira
compañía de teatro. Só publicou
outro
libro de poemas. Escribiu
baixo
o
seudónimo de Laura Cominges algunhas
novelas comerciais.
Rosa
Chacel naceu
en Valladolid en 1898 e
morreu
en Madrid en 1994. É
unha
das grandes novelistas españolas, aínda
que esta non
foi
a súa primeira
vocación. Exiliouse a
Brasil e
logo
a Suiza. Terminou
algunhas
das
súas
obras en Madrid con bolsas
de fundacións.
María
Zambrano, naceu
en 1904 en Vélez
e
morreu
en Madrid no ano
1991. Foi
unha
filósofa recoñecida
xa na época dos anos 30.
Volveu
de Chile a España o
día
que Bilbao caeu
a mans das tropas franquistas.
Cando
a guerra
terminou
exiliouse e vagou por
moitos países e universidades.
En 1989 instalouse
en Madrid onde viviu
ata
o
día da
súa
morte.
Despois
da ditadura recibiu
os premios Príncipe
de Asturias e
o
Cervantes.
E aquí nos despedimos. Ata pronto! E lembrade que, non sodes só mulleres, sodes mulleres ao cadrado.
mércores
Charlotte Cooper: Medallista
Un 22 de setembro de
1870 en Ealing, Londres, un matrimonio formado por un muiñeiro e a
súa dona traerían ao mundo á pequea Charlotte Reinagle Cooper.
Charlotte comezou a
xogar ao tenis no club da súa localidade. Malia quedar xorda con 26
anos sería coñecida como unha das mellores tenistas da súa época.
Ao longo da súa
dilatada carreira só chegaría a utilizar dúas raquetas, unha para
os partidos nos que ía bo tempo e outra diferente nos que aparecía
a chuvia.
Utilizaba como medio
de transporte para acudir ás competiciós, a bicicleta.
Gañou Wimblendon,
en categoría individual, os anos 1895, 1896 e 1898.
No ano 1900
participou nos primeiros xogos olímpicos onde competían mulleres .
Estes xogos disputáronse en París (Francia) e Charlotte levou o
ouro, ou teríao levado de haber medallas. Así se convertiu na
primeira muller en gañar un título olímpico.
Un ano despois casou
con Alfred Sterry e gañou por cuarta vez o campionato de Wimblendon.
Deixou o tenis por
unha tempada para se dedicar a Rex e Gwen, os seus dous fillos.
Sete anos despois,
1908, logrou a súa quinta vitoria en Winblendon e o récord, aínda
vixente, como a muller máis veterana en gañar o dito campionato con
37 anos e 282 días.
Segiu xogando ata
ben entrados os 50 anos. A súa filla Gwen foi tenista profesional e
o seu fillo chegou á vicepresidencia do All England Club. O seu
marido, avogado de profesión, foi presidente da London Tennis
Asociation.
Charlotte Cooper
faleceu o 10 de outubre de 1966 en Escocia, con 96 anos.
venres
Poema á Natureza
Envellece o tempo e non esquezo
aquelas terras castaño e verdes
onde a floresta sempre fresca e suave
parece bicarte os pés como beizos.
Así anida a morriña no meu peito
mentres lembro o cantar dos pinos
bailaban ao son do vento.
E amei o bosque dende neno,
cando por primeira vez inspirei aquel perfume,
o mellor perfume de todos,
que era o das flores a sotavento.
Os mellores cantores están alá,
nunca lles falta inspiración
e sen instrumentos cantan belas melodías,
que alegran ata o máis triste corazón.
Aprendín sabias leccións da natureza
que todos estamos ligados por fíos
e cando un rompe
os demais poden caer ao vacío.
Aprendín moito da natureza
e aínda que nos afastemos dela
non podemos esquecer
que da terra saímos e á terra volveremos.
(Poema gañador do 1º Premio do certame artístico-literario Santa Irene 2016 na categoría de poesía)
domingo
A realidade do acoso escolar
Xeralmente,
cando alguén nos menciona a palabra bullying
ou acoso imaxinámonos ao típico neno americano de película,
pequeniño e cunha mochila moito máis grande ca el, ao que tres
matóns sete veces máis altos e fortes fisicamente lle rouban a
merenda ou o meten no cubo do lixo. Non obstante, o bullying
é algo real afastado da gran pantalla e non está unicamente
restrinxido ás extravagantes escolas dos Estados Unidos. Repito, o
bullying
e a discriminación son situacións reais que se dan na nosa cidade,
no noso instituto, no noso barrio ou mesmo na nosa veciñanza.
A
cuestión é que o acoso comeza un día sen saber por que, pero
comeza. Alguén che sinala por algunha razón que só el sabe e que
os demais seguen e fomentan, sen deterse a pensalo. O primeiro
poderían ser empuxóns; os risos en clase xunto a berros de
"Chapón!" ou comentarios do tipo de "Xa está o de
sempre" despois de responder ás preguntas formuladas polo
profesor. Os murmurios cando entras pola porta da aula e que afunden
o teu día; que ignoren por completo os teus intentos de iniciar unha
conversa. Pois hai mil e un xeitos de facer da vida dunha persoa un
verdadeiro inferno.
A
partir dese momento a vítima, comezará a preguntarse unha e outra e
outra vez que é o que fixo mal para merecerse esa actuación por
parte dos que el considera os seus compañeiros. Pero, por suposto,
non atopará unha resposta. Ás veces terá a leve esperanza de que o
profesor se decate do que está a ocorrer e interveña no asunto.
Pola súa, aínda, ilusa mente aparecerá a posibilidade de que os
seus pais noten que está distinto, que algo cambiou nel e no seu
xeito de actuar, que o seu sorriso habitual foi substituído por unha
profunda cara de decepción e tristeza, de dúbida. Pero nada ocorre
e o acoso segue botando as súas raíces, día tras día, hora tras
hora, con novos métodos, pois chegarán incluso a estender rumores
totalmente falsos da vítima polo instituto como unha enfermidade
contaxiosa. Agora todos o miran mal. Todos. Incluso os profesores
escoitaron os rumores e desconfían. E non fan nada. A tristeza e a
decepción que antes existían nos ollos da vítima esfúmanse, dando
paso a un rostro inexpresivo, sen vida, sen esperanza algunha, que
non atopa o sentido da vida.
Non
lle dirá nada aos seus pais, por suposto. Para que? Nótase que ata
eles o miran raro. Xa non pode confiar en ninguén. Os acosos chegan
á pantalla, ás redes sociais. Dende insultos e burlas en tweets,
ata comentarios bochornosos e denigrantes nas súas imaxes de
Instagram.
A vítima sente que non vale nada, pero nada. Nin sequera chega a
entender por que naceu, e como é que lle permiten seguir vivindo.
O
final da historia da vítima pode ser moi variado. Moitos
consideraron o suicidio como a única maneira de escapar, pois non
atopan nada no mundo polo que deban continuar respirando. Outros
reclúense, perden calquera clase de vida social e escóndense dentro
de si mesmos, sen confiar en ninguén. Tal vez nunca poidan volver a
facelo. De calquera xeito, as súas vidas foron esnaquizadas.
Con
que dereito pode crerse unha persoa para facerlle isto a un igual, a
un ser humano?
O
principal problema é que para o acosador calquera escusa é boa para
atacar a alguén. Serve calquera cousa, con tal de que esta se saia
do que eles consideran correcto e común. Discriminarante sen pensalo
un segundo se es alto, se es baixo, se tes algo de sobrepeso, se
estás moi delgado, se es unha rapaza e non utilizas saias ou se es
un mozo e pintas os ollos. Debemos lembrar, ademais, que moitos dos
acosadores foron antes vítimas, e que os papeis non está fixos, o
día de mañá pódelle tocar a un mesmo atoparse nalgún dos dous
lados.
Aínda
por riba hoxe en día os adolescentes conforman unha gran masa
uniforme, gris. Cando saes dos estereotipos dese conxunto xa es
considerado raro, distinto. Pola contra, eu non concibo o ser
diferente como algo malo, máis ben todo o contrario. Para min buscar
algo alternativo a ese estereotipo xa imposto, ben pola sociedade ben
polo mundo da industria e do consumo, significa posuír unha
personalidade propia, unhas ideas propias, uns gustos que son de teu,
porque sénteste ben e xa está. Nós vivimos eses, xa duros de por
si, anos de adolescencia con temor. Se é que incluso chegan a
criticarte por estudar, por ler en lugar de vivir apegado a móbil
coma un parasito, por querer coñecer que é o que ocorre no mundo e
soñar con intentar cambialo.
Temos
que evitar todo isto, porque sen dúbida é perfectamente posible.
Promovamos unha educación baseada na igualdade da diferenza, na que
ensinemos aos nenos dende pequeniños a aceptarse, a respectarse
entre eles. Ensinémoslles a querer a todas as persoas por moi
diferentes que sexan, pois todos somos iguais en dereitos, todos
somos seres humanos e temos o dereito e a liberdade de ser nós
mesmos, sen xuízos, sen acosos, sen risos e murmurios, sen vivir
aterrados e querer abandonar a vida cando só acaba de comezar.
E
agora eu chamo aos profesores, aos pais. Necesitamos a vosa
intervención moito antes de que esteamos tan esnaquizados que non
queiramos nin aceptar a vosa axuda. Hai que tomar cartas no asunto
xa, agora mesmo, desde hoxe, pois en calquera punto da cidade algún
mozo ou moza pode estar formulándose se merece realmente vivir. Pois
en calquera lugar do noso instituto pódense estar escoitando caer as
bágoas dun neno que non sabe que facer, que sinxelamente non entende
nada do que ocorre. Pois en calquera lugar da túa aula, pode haber
un pupitre separado dos demais, cunha nena sentada, unha nena cuxa
mirada xa non expresa nin decepción, cuxos ollos hai moito tempo que
perderon o sorriso.
luns
Temas de actualidade
Indo
de paseo polo noso mundo, vemos diferentes temas:
Comezando
por Asia, observamos a problemática da superpoboación, que afecta
tanto económica como socialmente a diferentes países. Porén,
o que máis resalta da súa situación é a case inexistente
liberdade de expresión respecto das mulleres, que está prohibida
pola lei sálica. Unha lei arcaica que demostra a pouca fiabilidade
nas mulleres, ao impedir a toma de decisións políticas pola súa
parte. Unha lei imposta dende hai séculos, e que ninguén foi nin é
capaz de erradicar da sociedade porque o resultado pode converterse
nun caos para o continente.
En
Rusia atopámonos coa homofobia, outro dos problemas sociais do día.
A lei que camufla esta discriminación é chamada como a lei contra a
propaganda homosexual, dada polo presidente Vladimir Putin. Grazas a
este individuo, as parellas do mesmo sexo poden ser multadas por ir
collidas da man, sancionadas coa deportación e todo por ser “unha
terxiversación de orientacións sexuais tradicionais” segundo o
presidente. Neste caso tamén vemos una prohibición da liberdade de
expresión. Ademais disto podemos sumarlle a prohibición da adopción
de nenos/as de orixe rusa por homosexuais estranxeiros e a
proposta de impedir que os homosexuais doen sangue. Isto seguro que
axuda á sociedade en cuestión. Segundo unha enquisa do 74% dos
rusos pensan que a homosexualidade non debe ser aceptada pola
sociedade; pero que pasa co 26 % restante? É que non teñen razón,
só porque a maioría pensa desta maneira?
Pasamos
a Europa. Temos a Francia como punto de referencia de atentados, que
se veñen producindo noutros puntos do mundo. O motivo de atacar a
Francia, concretamente á revista de Charlie Hebdo, son as
caricaturas de Mahoma reproducidas nesta revista, oportunidade
perfecta para xustificar un ataque por parte dos grupos xihadistas.
Por
último pasamos a Estados Unidos, un país con moitos problemas. O
abuso policial comeza a evidenciarse en relación co racismo. O
exemplo máis representativo é o dun afroamericano chamado Eric
Garner, detido por un policía que acabaría coa súa vida nun
inxusto abuso policial. Decenas de miles de persoas congregáronse en
Nova
York para demandar xustiza por casos como estes.
Continuamos
coa sanidade, onde a factura sanitaria anual roza os dous billóns de
euros, e na próxima década alcanzará os cuatro billóns. Unhas
cifras que destacan o desafío da clase política estadounidense:
reformar o seu sistema sanitario reducindo os custos e á vez
incluíndo a quen non teñen seguro médico.
En
resumo, todos os lugares teñen problemas, problemas que levan tempo
no mundo e no que aínda seguimos na busca de solucións.
Melina Vaccaro Martella
Subscribirse a:
Publicacións (Atom)